بقلم - جعفر عاتق
بعد سبعة وتسعين مكالمة لم يرد عليها وخمسة وأربعين رسالة، أخيرا الشخص الآخر يجيب على المكالمة
العيدروس: الوو
ابو ماجد: وش تبي انت الحين
العيدروس: مساء الخير طال عمرك
ابو ماجد: اخلص اقول لك تراك مزعجنا باتصالاتك من ساعتين
العيدروس: يا ابو ماجد طال عمرك وحفظ لنا ابو خالد وقيادة وشعب الإمارات وكل من يحب الإمارات اهل الكرم والجود و..
ابو ماجد مقاطعا: وش تبي من هذه المقدمة الطويلة اقول اخلص ترى معانا عمل محنا بفاضيين، بتتكلم انت الحين ولا اسكر المكالمة
العيدروس: اقول يا ابو ماجد طال عمرك عشان موضوع دخول طارق ابن اخوه للرئيس الراحل صالح إلى عدن يعني والي حصل بعدها..
ابو ماجد مقاطعا مجددا: وايش دخلك انت بطارق ودخوله إلى عدن
العيدروس: طال عمرك يا ابو ماجد اقول ربعنا حطونا بموقف محرج وطلبوا منا بيان يستنكر وجود طارق في العاصمة عدن واحنا ما عرفنا وش نسوي واتصلنا نطلب رأيكم طال عمرك
ابو ماجد: يا عيدروس..
العيدروس: سم طال عمرك
ابو ماجد: اقول خليكم في حالكم ومالكم دخل في طارق وغيره ولا تسمع أوامرك الا مني وانا اذا ابي منك شئ بتصل بك، ومرة ثانية لا تزعجنا باتصالاتك ورسائلك الي ما منها داعي
العيدروس: يا ابو ماجد طال عمرك احنا موقفنا ضعيف الحين وخصوصا بعد ظهور طارق في شبوة وبحماية من قوات النخبة واحنا ما تكلمنا ولا قلنا شئ وقبلها قصة جزيرة سقطرى واحنا ما نقول الا…
ابو ماجد: انت الآن تبي تعلمني عملي
العيدروس: لا طال عمرك انت الخير والبركة ومنكم نتعلم
ابو ماجد: الحين انا مشغول، عندي عمل وانت معطلني، ولعلمك استقبال طارق في عدن ودعمه أوامر من ابو خالد حفظه الله .. واسمع ي العيدروس شعبك طيب وعلى قد حاله فخلي الناطق حق المجلس يخرج ويعلن اقتراب موعد عقد جلسات الجمعية العامة في عدن..
العيدروس: تقصد الجمعية العمومية طال عمرك
ابو ماجد: العامة ولا العمومية ما تفرق وثاني مرة لا تقاطعني.. وشوفوا لكم أي فكرة ثانية بأي محافظة لكن عدن لا تعملوا فيها اي شئ الا بأوامر مني وموضوع طارق وسقطرى مالكم دخل فيه وكما قلت لك لا تتصل بي ابدا واذا نبي منكم حاجة برسل لك رسالة تكفي، يلا وخلينا نشوف عملنا ..
طوط طوط طوط، انتهت المكالمة ..
#جعفر_عاتق
