ماهو الفرق بين معالجات الكمبيوتر (أنتل) (شرح بالبلدي)؟!!

19 أغسطس 2018
ماهو الفرق بين معالجات الكمبيوتر (أنتل) (شرح بالبلدي)؟!!
غمدان قاسم
غمدان قاسم

بقلم - غمدان قاسم

(في صورة بأول شوفوها بعد قراءة المنشور)

المعالجات أهم جزء في الكمبيوتر لذلك توجد مشاكل كبيرة في الإختيار بينها وعدم معرفة ماهو المفيد وماذا تعني الأرقام والمصطلحات المكتوبة في ورقة المواصفات.

لذلك سأطرح بعض التفاصيل والمفاهيم ببساطة عشان توصل المعلومة للجميع 🙂.

وبالبداية عشان نفهم قصة الأجيال ركزوا ع المثال التالي:
في سيارة كورولا🚗 (i3)
وفي سيارة كامري 🚘 (i5)
وفي سيارة جيب ‏🚔 (i7)

وكل سيارة تجي منها موديلات:
موديل ٢٠١١ (الجيل الأول Gen1 )
موديل ٢٠١٢ (الجيل الثاني Gen2 )
موديل ٢٠١٣ (الجيل الثالث Gen3 )

وبعدين بتجي تلاقي كل سيارة مثلاً الكامري 🚘 بتلاقي في منها مكينة أربعة سلندر (أربعة أنوية أو core) وبعضها 6 سلندر( ستة أنوية او cores)
وكذا بتكون عارف طبعاً من اللي مكينته أقوى ومن الأغلى 😉😉 وبتعرف ليش يفرق السعر من محل لمحل .

ومنشوري حق أمس الان بتعرفوا أيش قصدي .. يعني ممكن تلاقي سيارة كورولا 🚗 موديل ٢٠١٨ أكيد أفضل من كامري 🚘 ٢٠١١ 😃 ..

والان تعالوا نعرف أي الفرق بين المعالجات 😀:

‏Core i3

‏هذا النوع من المعالجات يحتوي على نواتين فقط مع شي اسمه Hyperthreading
‏واللي يقوم بخداع نظام التشغيل و إضافة نواة وهمية لكل نواة في المعالج، أو بمعنى أصح يمكن للنواة الواحده معالجة أكثر من عملية بنفس الوقت وهذا يزيد من الأداء .
وهذا النوع مناسب للي استخدامهم عادي يعني اوفيس على انترنت على افلام وكذا ..( يعني حتى لو معك فلوس ،، خبيها ومافيش داعي تتدلع انك أخذت اخر موديل 🤣).

‏Core i5

‏هذه المعالجات تحتوي أغلبها على أربعة أنوية وبعضها على نواتين (يعني ركز هنا كم الأنوية لما تشتري مش يخدعوك 😉)ولكن بدون خاصية الـ Hyperthreading
‏وهذه المعالجات تكون مناسبة بين السعر والأداء للمستخدم المتوسط، كما وأنها تحتوي على خاصية Turbo Boost (وتأكد من ذي الخاصية تفرق بالسعر) ، والتي تعمل على زيادة أداء المعالج بشكل ملحوظ وقت الضغط عليه.
هذا النوع مفيد لأصحاب الألعاب والمصممين ويشتوا جهاز سعره متوسط (يعني للمساكين ويشتوا يلعبوا ويشتغلوا) ومافيش معاهم فلوس كفاية .. ها خيار مناسب جداً وتكمله ببقية المواصفات الثانية من كرت الشاشة والقرص الطلب وغيره ..

‏Core i7

‏طبعا هنا النوع هو قريب من معالجات Core i5 بس محسنة جداً ومضاف لها خاصية Hyperthreading
وكمان يجي بعدد أنوية متعدد ومختلف بعضها نواتين وبعضها 4 أنوية وبعضها 6 وبعضها 8 أنوية 🤩.
هذا النوع للي معاهم 💵💵💵 وللي شغلهم قوووي جداً ويحتاج عدد أنوية كثير (زينا 😑) ويحتاج لكل موارد الجهاز للشغل ..

ها كيف الأمور؟
تعالوا نكمل أخر جزء وهي الذاكرة الكاش اللي تجي بالمعالج نفسه .

ببساطه كل ما كانت ذاكرة الكاش كبيرة كل ما كان الأداء عاااالي جداً وكل ما كان السعر غااااالي جداً 💵💵.

يعني بتلاقي نفس المعالج ونفس الجيل وبتلاقي اختلاف بالسعر !!! قد يكون ذاكرة الكاش واحده من الاسباب ركز وقع ذيب 😇.

والذاكرة الكاش ذي يجي حجمها من واحد ميجا ولغاية 8 ميجا طبعاً حسب الموديل والجيل .
وغالباً يكفيك ١ ميجا او لو مع فلوس كثير وقف ع ٤ ميجا كفاااية وال ٨ ميجا هذا يجي في i7 فقط اعتقد .


وعشان تقدر تحدد نوع المعالج والجيل الخاص فيه شوف الصورة اللي بأول تعليق والرقم اللي يجي بعد نوع المعالج هو يرمز للجيل الخاص بالمعالج ✋

أتمنى كان الموضوع مفيد 🙂
شارك لغيرك قبل ما يبرموه أصحاب المحلات 🤣

اذا في حماس ممكن نحيب الفرق بين الاقراص الصلبة كمان 🙂

*المصادر يوتيوب ومواقع ومجلات وتقنين وتجارب شخصية.

نستخدم ملفات الكوكيز لنسهل عليك استخدام الموقع ونكيف المحتوى والإعلانات وفقا لمتطلباتك واحتياجاتك الخاصة، ولتحليل حركة الزيارات لدينا.. المزيد
موافق